საქართველოს პასპორტი: უფლებები, მოვალეობები და პრივილეგიები

• უვიზო მიმოსვლა – საქართველოს მოქალაქეებს შეუძლიათ უვიზოდ იმოგზაურონ 122 ქვეყანაში, მათ შორის ევროკავშირის სახელმწიფოებში, იაპონიაში და ამჟამად უკვე ჩინეთშიც.
•  მნიშვნელოვანი სავიზო შესაძლებლობები - საქართველოს მოქალაქეებს შეუძლიათ მიიღონ გრძელვადიანი ვიზები, მაგალითად, 10-წლიანი ვიზა აშშ-ში, ასევე ბიზნეს-ვიზები.

• არჩევნებში მონაწილეობა – საქართველოს მოქალაქეებს აქვთ უფლება მონაწილეობა მიიღონ არჩევნებში – ადგილობრივი თვითმმართველობიდან საპარლამენტო და საპრეზიდენტო არჩევნებამდე.
• სახელმწიფო თანამდებობებზე მუშაობა – მხოლოდ საქართველოს მოქალაქეებს აქვთ უფლება დაიკავონ მაღალი სახელმწიფო თანამდებობები, მათ შორის: პრეზიდენტის, პრემიერ-მინისტრის, პარლამენტის თავმჯდომარის, ასევე  სამივე ინსტანციის მოსამართლის, მათ შორის საკონსტიტუციო სასამართლოსა და საერთო სასამართლოების მოსამართლეების თანამდებობა.

• საადვოკატო საქმიანობა - მხოლოდ საქართველოს მოქალაქეებს შეუძლიათ ადვოკატის სტატუსის მიღება.
• სამედიცინო საქმიანობა - საქართველოს მოქალაქეებისთვის გამარტივებულია კერძო სამედიცინო პრაქტიკის ლიცენზიის მიღების პროცესი.
• ფინანსური სექტორი - საქართველოს მოქალაქეებისთვის გამარტივებულია თანამდებობის დაკავების პროცედურა ფასიანი ქაღალდების ბაზრის პროფესიონალური მონაწილეების მართვის ორგანოებში, როგორიცაა ბანკები ან ბროკერული კომპანიები.

• სახელმწიფო სამედიცინო დაზღვევა – საქართველოს მოქალაქეებს აქვთ უფლება, ისარგებლონ სახელმწიფო სამედიცინო დაზღვევით, რომელიც ძირითად სამედიცინო მომსახურებებს მოიცავს.

• სოციალური დაცვა – მოქალაქეებს შეუძლიათ მიიღონ სახელმწიფო სოციალური დახმარება, მათ შორის, მცირე სახსრების მქონე ოჯახების მხარდასაჭერი დახმარებები და შშმ პირებისთვის განკუთვნილი დახმარებები.

• პენსია – საქართველოს მოქალაქეობის მქონე მამაკაცები სახელმწიფო პენსიას იღებენ 65 წლიდან, ქალები კი – 60 წლიდან.

სტატია: პენსია საქართველოში

• დაბადებით – თუ ბავშვის დაბადების მომენტში მშობლებიდან ერთი-ერთი მაინცაა საქართველოს მოქალაქე
• ნატურალიზაციით – საქართველოში ლეგალურად ცხოვრების 10 წლის შემდეგ, კანონმდებლობით დადგენილი პირობების შესრულების შემთხვევაში (წინა მოქალაქეობაზე უარის თქმის პირობით).
• გამარტივებული წესით – საქართველოში ლეგალურად ცხოვრების  5 წლის შემდეგ, საქართველოს მოქალაქესთან ქორწინების შემთხვევაში და კანონმდებლობით გათვალისწინებული  პირობების შესრულებისას (წინა მოქალაქეობაზე უარის თქმის პირობით).
• განსაკუთრებული წესით – პრეზიდენტის გადაწყვეტილებით,  ქვეყნის წინაშე განსაკუთრებული დამსახურებებისა ან ქვეყნის ინტერესებიდან გამომდინარე, კანონმდებლობით გათვალისწინებული მოთხოვნების შესრულების შემთხვევაში (წინა მოქალაქეობის შენარჩუნებით).