მიწასთან დაკავშირებული გარიგებების სამართლებრივი რეგულირება საქართველოში

საქართველოში მიწის ნაკვეთები იყოფა სხვადასხვა კატეგორიებად და მიზნობრივი დანიშნულებით, რაც დამოკიდებულია მათ გეოგრაფიულ მდებარეობაზე, ბუნებრივ მახასიათებლებზე და სამართლებრივი რეგულირების საფუძვლებზე. მიწის ნაკვეთების ზონირება განსაზღვრავს, რა დანიშნულებით შეიძლება იქნას გამოყენებული ისინი, მათ შორის, სამშენებლო ან სხვა დანიშნულებით.

საქართველოში საკუთრების უფლების რეგისტრაციას მიწის ნაკვეთებზე, ისევე როგორც უფლებრივი ტვირთის რეგისტრაციას, ახორციელებს საჯარო რეესტრის ეროვნული სააგენტო. იგულისხმება, რომ ყველა დაურეგისტრირებელი მიწის ნაკვეთი წარმოადგენს სახელმწიფოს საკუთრებას, ვიდრე დოკუმენტურად საწინააღმდეგო არ დადასტურდება. და თუ ასეთ მიწის ნაკვეთზე არ არის შენობა, ის ავტომატურად აღირიცხება როგორც სასოფლო-სამეურნეო დანიშნულების მიწის ნაკვეთი. საქართველოში შესაძლებელია, განხორციელდეს მიწის ნაკვეთის პრივატიზება და მიწის კატეგორიის ცვლილება. აღნიშნულ შესაძლებლობებს და მიწის ნაკვეთზე საკუთრების უფლების მოპოვების სხვა მეთოდებს, ასევე მიწის ნაკვეთებთან დაკავშირებულ ნებადართულ ტრანზაქციებს განვიხილავთ ცალკე სტატიაში.

უცხო ქვეყნის მოქალაქეებისთვი და უცხოური კომპანიებისათვის აკრძალულია მათ საკუთრებაში სასოფლო-სამეურნეო დანიშნნულების მიწის ნაკვეთის რეგისტრაცია - ამ გზით სახელმწიფო ცდილობს, დაიცვას ეროვნული ინტერესები და ქვეყნის სასოფლო-სამეურნეო რესურსები.

ფიზიკურმა პირმა, რომელიც არ არის საქართველოს მოქალაქე, შეიძლება დაირეგისტრიროს საკუთრებაში სასოფლო-სამეურნეო მიწის ნაკვეთი მხოლოდ იმ შემთხვევაში, თუ ის მას მიიღებს მემკვიდრეობით (კანონით ან ანდერძით/).

იურიდიულ პირებს უცხოელი პარტნიორებით შეუძლიათ დაირეგისტრირონ საკუთრებაში სასოფლო-სამეურნეო დანიშნულების მიწა მხოლოდ იმ შემთხვევაში, თუ ასეთი კომპანიის დომინანტ პარტნიორს (51% ან მეტი წილის მესაკუთრეს) წარმოადგენს საქართველოს მოქალაქე ან კომპანია, რომელსაც ფლობს საქართველოს მოქალაქე.

სხვა კატეგორიის (არასასოფლო-სამეურნეო დანიშნულების) მიწის ნაკვეთების შეძენა და რეგისტრაცია ნებადართულია, თუმცა შესაძლებელია, დაკავშირებული იყოს დამატებით მოთხოვნებთან და პირობებთან, რაც უკავშირდება სატყეო და წყლის ფონდებს.

ქართულ მიწის სამართალში გარკვევა ხსნის მნიშვნელოვან შესაძლებლობებს ინვესტირებისა და ბიზნესის განვითარებისათვის, განსაკუთრებით, სასოფლო-სამეურნეო და სამშენებლო სექტორებში. საკანონმდებლო აქტებით გარანტირებულია როგორც საკუთრების უფლების დაცვა, ასევე მარეგულირებელი მექანიზმების არსებობა, რათა უზრუნველყოფილი იქნას მიწის რესურსების მდგრადი განვითარება.