Chek-list იურისტისგან, რომელიც დაგეხმარებათ სწორედ ჩაატაროთ რემონტი საქართველოში

სამართლებრივი თვალსაზრისით საკუთარი თავის დასაცავად, ყველანაირი შეთანხმება ჩამოაყალბეთ წერილობით.
იდეალურ სცენარში, ყველანაირი შეთანხმება უნდა აისახოს ხელშეკრულებაში, რომლის დანართად იქნება ხარჯთაღრიცხვა, სადა იქნება აღწეილი სამუშაოს ტიპი და ღირებულება. ხელშეკრულება შეიძლება გაფორმდეს პირადად ან გაიცვალოს თითოეული მხარის მიერ ხელმოწერილი ხელშეკრულებების სკანგამოსახულების სახით.

ელექტრონულ მიმოწერაში შეთანხმებების ასახვა ასევე მისაღებია, რომლებიც შეიძლება გამოყენებულ იქნას როგორც მტკიცებულება სასამართლოში. ამავდროულად, მნიშვნელოვანია ის ფაქტი, რომ კონკრეტულ მიმოწერაში გამოიკვეთოს თუ რა შეთანხმებას მიაღწიეს მხარეებმა: მაგალითად, თუ შემსრულებელმა დაწერა „კარგი“, უნდა ჩანდეს თუ რა კონკრეტულად დაადასტურა მან.
შეეცადეთ თავი აარიდოთ აუდიო შეტყობინებებში შეთანხმებების კონსოლიდაციას. ისინი ხშირად იძლევიან სხვადასხვა ინტერპრეტაციის საშუალებას. ჩვენ ასევე არ გირჩევთ ხმის ჩამწერის გამოყენებას. თუ წინასწარ არ მიიღებთ შემსრულებლის თანხმობას საუბრის ჩასაწერად, მაშინ ასეთი ჩანაწერი არ შეიძლება გამოყენებულ იქნას სასამართლოში მტკიცებულებად.

რაც შეეხება გადახდებს: თუ სამუშაოს აანაზღაურებთ ნაღდი ფულით, დაამოწმეთ ეს შემსრულებლის მიერ ხელმოწერილი ქვითრით. ასევე მისაღებია SMS-ის გაგზავნაგადახდის დადასტურების მიზნით, რომელიც მიუთითებს იმაზე, თუ რისთვის განხორციელდა გადახდა. თუ მომსახურებას გადაიხდით საბანკო ანგარიშზე გადარიცხვის გზით, გადახდის დანიშნულებაში მიუთითეთ რისთვის გადარიცხეთ თანხა.

გახსოვდეთ, რომ დაუსრულებელ სამუშაოდ ითვლება ის სამუშაო, რომლის შესრულებაზე თავდაპირველად შეთანხმდით, ხოლო ნაკლის მქონე კი ის შემთხვევები, რომლებიც არ შეესაბამება თავდაპირველად შეთანხმებულ სტანდარტებს, და აქ ჩვენ კვლავ ვუბრუნდებით ხელშეკრულების სარგებელიანობას.
წერილობით ჩამოწერეთ ყველა გამოვლენილი ხარვეზის და დაუსრულებელი სამუშაოს შესახებ, განიხილეთ ისინი ოსტატთან ერთად და დანიშნეთ აღმოფხვრის ვადები. შეგახსენებთ, რომ მიზანშეწონილია ხელშეკრულებაში იყოს გათვალისწინებული უკანასკნელი, ისევე როგორც ხარვეზების არ აღმოფხვრის შედეგების შესახებ. მიუთითეთ, რომ თქვენ გაქვთ უფლება თავად გამოასწოროთ ხარვეზები და მოითხოვოთ ხარჯების ანაზღაურება.

თუ კი შემსრულებელი უარს იტყვის გამოვლენილი ხარვეზების შესახებ აქტის ხელმოწერაზე ან არ ეთანხმება მას, ჩამოწერეთ ისინი და გაუგზავნეთ აქტი მას ელექტრონული ფოსტით ან მესინჯერით. თუ კი ხარვეზები არ იქნა აღმოფხვრილი, მიზანშეწონილია გამოიძახოთ ექსპერტი, შესრულებული სამუშაოს მოცულობის და ხარისხის დაფიქსირების მიზნით. მხოლოდ ამის შემდეგ დაიწყეთ ხარვეზების აღმოფხვრა საკუთარი ან სხვა ოსტატის დახმარებით. სასამართლოში ზიანის ანაზღაურებისას ექსპერტიზის დასკვნა იქნება უპირობო მტკიცებულება.

კიდევ ერთხელ უმთავრესის შესახებ: სამრთლებრივ უსაფრთხოების უზრუნველყოფის მიზნით გააფორმეთ ხელშეკრულება შემსრულებელთან და იმისთვის, რომ გქონდეთ რაც შეიძლება მეტი მტკიცებულება, დააფიქსირეთ ყველანაირი კომუნიკაცია ოსტატთან მიმოწერაში. მოერიდეთ აუდიო შეტყობინებებს, თუ ეს შესაძლებელია. ამ სტატიაში აღწერილი ნაბიჯების შესრულება დაზოგავს თქვენს დროს, ფულს და ნერვებს და გაზრდის შანსს, რომ რემონტი იყოს არა მხოლოდ ვიზუალურად ლამაზი, არამედ გამძლე.