პერსონალური მონაცემების დაცვა

პერსონალური მონაცემი არის ნებისმიერი ინფორმაცია, რომლითაც შესაძლებელია ფიზიკური პირის პირდაპირ ან არაპირდაპირ იდენტიფიცირება, მათ შორის:

• სახელი, გვარი;
• საიდენტიფიკაციო ნომერი;
• გეოლოკაციის მონაცემები;
• ფოტოსურათი/ვიდეოჩანაწერი;
• ფიზიკური, ფიზიოლოგიური, ფსიქიკური, ფსიქოლოგიური, გენეტიკური, ეკონომიკური, კულტურული ან სოციალური მახასიათებელი და ა.შ.

პერსონალური მონაცემები, რომლებიც დაცვის უფრო მაღალ სტანდარტს საჭიროებენ.
განსაკუთრებული კატეგორიის მონაცემებია, რომელიც უკავშირდება ფიზიკური პირის:

• რასობრივ ან ეთნიკურ კუთვნილებას;
• პოლიტიკურ შეხედულებებს;
• რელიგიურ, ფილოსოფიურ ან სხვაგვარ მრწამსს;
• ჯანმრთელობას;
• სქესობრივ ცხოვრებას;
• ბიომეტრიულ და გენეტიკურ მონაცემებს, რომლებიც ფიზიკური პირის უნიკალური იდენტიფიცირების მიზნით მუშავდება და ა.შ.

ნებისმიერი ფიზიკური, იურიდიული პირი ან საჯარო დაწესებულება, რომელიც თავად ინდივიდუალურად ან სხვებთან ერთად განსაზღვრავს მონაცემთა დამუშავების მიზნებს და საშუალებებს, უშუალოდ ან უფლებამოსილი პირის მეშვეობით ახორციელებს მონაცემთა დამუშავებას.

ნებისმიერი ფიზიკური, იურიდიული პირი ან საჯარო დაწესებულება, რომელიც მონაცემებს ამუშავებს დამუშავებისთვის პასუხისმგებელი პირისთვის ან მისი სახელით (გარდა დამუშავებისთვის პასუხისმგებელი პირის თანამშრომლისა).