საშემოსავლო გადასახადის დეკლარაცია
13 მარტი 2025
გიორგი ჟუჟუნაშვილი, ადვოკატი, საგადასახადო მრჩეველი
- ვინ უნდა წარადგინოს საშემოსავლო გადასახადის დეკლარაცია?
რეზიდენტმა და არარეზიდენტმა ფიზიკურმა პირებმა - ნებისმიერ შემთხვევაში, თუ მათ მიიღეს საქართველოს წყაროდან დასაბეგრი შემოსავალი
2. რომელი შემოსავლები უნდა აღინიშნოს დეკლარაციაში?
- შემოსავლები, რომელიც მიღებულია საქართველოს წყაროდან.
- ყველა შემოსავალი, მათ შორის საქართველოს ფარგლების გარეთ მიღებული მიღებული შემოსავლები. ისინი უნდა აღინიშნოს დეკლარაციაში, თუმცა ეს შემოსავლები გადასახადით არ იბეგრება.
- როდესაც არარეზიდენტი ფიზიკური პირი წარადგენს საგადასახადო დეკლარაციას დაკავებული თანხების დაბრუნების მოთხოვნით, საგადასახადო დეკლარაციაში აღნიშნება მხოლოდ საქართველოში არსებული წყაროებიდან მიღებული შემოსავალი საქართველოს საგადასახადო კოდექსის 134-ე მუხლის პირველი ნაწილის „გ“, „დ“, „დ1“ და „ე“ ქვეპუნქტების შესაბამისად.
3.რას ნიშნავს "შემოსავალი საქართველოს წყაროდან"?
საგადასახადო კოდექსის 104-ე მუხლი მიუთითებს თუ რომელი სახის შემოსავალი ითვლება საქართველოში არსებული წყაროდან მიღებულად.
4. როგორია საშემოსავლო გადასახადის განაკვეთი?
განაკვეთები განსხვავდება და დამოკიდებულია შემოსავლის სახეზე:
- საბაზისო განაკვეთი 20% - ეს განაკვეთი ვრცელდება ხელფასზე, შესრულებული სამუშაოს, გაწეული მომსახურების შედეგად მიღებულ შემოსავლებზე, ასევე, მაგალითად, ოფისის გაქირავებისთვის მიღებულ შემოსავალზე.
- 5% - ეს განაკვეთი ვრცელდება საცხოვრებელი მიზნებისთვის ქონების გაქირავებით (ბინები, აპარტამენტები, სასტუმროს ნომრები) მიღებულ შემოსავლებზე. არ აქვს მნიშვნელობა მათ თავად გააქირავებთ, აგენტის ან მმართველი კომპანიის მეშვეობით თუ ისეთი პლატფორმის საშუალებით, როგორიცაა Booking. ამ საგადასახადო შეღავათით სარგებლობის მიზნით უნდა დარეგისტრირდეთ გამქირავებელთა რეესტრში.
- 20% - როიალტის სახით მიღებულ შემოსავალზე.
- 20% - საჩუქრის სახით ან მემკვიდრეობით მიღებულ შემოსავალზე.
- 0% - საქართველოს ფინანსური ინსტიტუტების მიერ გადახდილი პროცენტის სახით მიღებულ შემოსავალზე.
5. აქვს თუ არა მნიშვნელობა თანხის მიღების ადგილს ან გადახდის ფორმას? მაგალითად, რა მოხდება, თუ უცხოელი კლიენტის თანხები დოლარში ჩაირიცხება უცხოურ ბანკში არსებულ ანგარიშზე ან ჰონორარი მიიღება კრიპტო აქტივის სახით?
- იმის დასადგენად, ვალდებული ხართ თუ არა გადაიხადოთ გადასახადი, მნიშნელობა არ აქვს სად მიიღეთ შემოსავალი - საქართველოში თუ სხვა ქვეყანაში. მაგალითად, თუ ეს შემოსავალი მიიღეთ არარეზიდენტის პირის სასარგებლოდ საქართველოს ტერიტორიიდან მუშაობისთვის, ის თითქმის ყველა შემხთხვევაში შემთხვევაში დაიბეგრება.
- გაითვალისწინეთ, რომ ნებისმიერი შემოსავალი საგადასახადო აღრიცხვის მიზნებისთვის უნდა კონვერტირდეს ლარში შემოსავლის მიღების დღეს საქართველოს ეროვნული ბანკის კურსით და ასე იქნეს დეკლარირებული.
6. არის თუ არა დადგენილი რაიმე სახის პასუხისმგებლობა გადასახადის გადაუხდელობისთვის?
- დიახ, გადასახადების დაგვიანებით გადახდისთვის ყოველდღიურად დაგერიცხებათ საურავი გადაუხდელი გადასახადის 0,05% ოდენობით.
- დეკლარაციის ვადის დარღვევით წარდგენის შემთხვევაში და თუ დაგვიანება 2 თვეზე მეტია, დაგრეკისრებათ ჯარიმა დეკლარირებული გადასახადის თანხის 5%-ის ოდენობით. თუ დაგვიანება აღემატება 2 თვეს, ჯარიმა 10% ოდენობით.
- იმ შემთხვევაში თუ საგადასახადო ორგანომ აღმოაჩინა, რომ გქონდათ დასაბეგრი შემოსავალი და არ გადაიხადეთ გადასახადი, მოხდება 50%0 ჯარიმის დარიცხვა.
მოგეწონათ სტატია? გაგვიზიარე შენი აზრი
გაქვთ შეკითხვა?
მარია გუსეინოვა
კომერციული განყოფილების წამყვანი მენეჯერი
კომერციული განყოფილების წამყვანი მენეჯერი
