ინტერვიუ კომპანიის დირექტორთან, მარინა ფიდუაშვილთან

2024 წელი ჩვენი კომპანიისთვის მნიშვნელოვნად ზრდა-განვითარების წელი იყო. ჩვენ მივიღეთ პრესტიჟული ჯილდო - “წლის ლიდერი", რომელმაც უფრო განამტკიცა ჩვენი რეპუტაცია ბაზარზე, როგორც საქართველოში ერთ-ერთი მნიშვნელოვანი სამართლებრივი პარტნიორისა. ამასთანავე, ჩვენი გუნდი გაფართოვდა/გაიზარდა  და ამჟამად  30 მაღალკვალიფიკაციური თანამშრომელი გვყავს. მათ შორის: იურისტები, ადვოკატები, ბუღალტრები და კომერციული დეპარტამენტის წევრები. მნიშვნელოვნად გაიზარდა საერთაშორისო კლიენტების რაოდენობაც  და დავიწყეთ რამდენიმე მნიშვნელოვან პროექტზე მუშაობა, რომლებიც, უმეტესწილად, კავშირშია საკორპორაციო სამართალთან და საგადასახადო კონსულტაციებთან. მაგალითისთვის, ამჟამად ვმუშაობთ ერთ-ერთ AI სტარტაპ პროექტზე, რომელიც საქართველოში სააქციო საზოგადოების (სს) მიერაა დაფუძნებული. ამ სს-ში რეგისტრირებულია ოთხი სხვადასხვა კლასის აქცია, რაც ქმნის კომპლექსურ კაპიტალს, ინვესტიციებისა და გადაწყვეტილებების მიღების სტრუქტურას. აღსანიშნავია, რომ  აქტიურად ვთანამშრომლობთ ქართულ ბიზნესებთან, ვეხმარებით მათ სამართლებრივ და საკორპორაციო საკითხების მოგვარებაში, ასევე საგადასახადო დაგეგმვაშიც. 2024 წელი ასევე გამორჩეული იყო სასამართლო პრაქტიკის კუთხითაც – ჩვენი ადვოკატები წარმატებით გაუმკლავდნენ არაერთ საქმეს ბავშვთა საცხოვრებელი ადგილის განსაზღვრის შესახებ (განსაკუთრებით, მნიშნველოვანია გატაცების შესახებ დავები). ეს საკითხები იყო სამართლებრივად და ემოციურად დატვირთული, მაგრამ, პარალელურად, მეტად საინტერესო და მნიშვნელოვანი.

ჩვენ გვაქვს ე.წ 360 (გრადუსიანი)  ფორმატის მომსახურება.  რაც ნიშნავს, რომ კლიენტები ყველა სახის სამართლებრივ, საგადასახადო და საბუღალტრო მომსახურებას ერთ ადგილზე (ჩვენთან) იღებენ. ჩვენი კომპანიის  ერთ-ერთი მნიშვნელოვანი ასპექტი და  განმასხვავებელი ნიშანი სხვა კომპანიებისგან  მრავალენოვანი მიდგომაა - ჩვენი სპეციალისტები საუბრობენ: ქართულად, რუსულად, ინგლისურად, გერმანულად და სომხურად, რაც უცხოელ კლიენტებთან მუშაობას გაცილებით კომფორტულს ხდის. ჩვენ არასდროს ვერიდებით არასტანდარტულ და კომპლექსურ საქმეებთან შემხებლობას - პირიქით, გამოწვევად ვიღებთ  და პროფესიული ზრდის შესაძლებლობად მივიჩნევთ.

ეს ჯილდო საჯარო აღიარება და დაფასებაა ჩვენი მუშაობის ხარისხისა და კლიენტების ნდობის. ის ხაზს უსვამს ჩვენს როლს საქართველოს ბიზნეს გარემოცვაში და გვაძლევს მოტივაციას, განვაგრძოთ ზრდა. ძალიან გვეამაყება ეს  მიღწევა და მადლობას ვუხდით თითოეულ კლიენტსა თუ თანამშრომელს, რადგან Just Advisors-ის წარმატება ერთობლივი ძალისხმევის შედეგია.

კლიენტები და კომპანიები გვიკავშირდებიან ევროკავშირდან, პოსტსაბჭოთა სივრციდან, ისრაელიდან, ჩინეთიდან, აშშ-დან და სხვა მრავალი ქვეყნიდან. ხოლო ჩვენ ვთავაზობთ მომსახურებას სხვადასხვა ენაზე, სამართლებრივად ვადაპტირდებით საერთაშორისო სტანდარტების მიხედვით  და კლიენტს ვთავაზობთ, ჯეროვან  სამართლებრივ მხარდაჭერას არა მხოლოდ საქართველოს ფარგლებში, არამედ ქვეყნის საზღვრებს მიღმაც. ეს საშუალებას აძლევთ ფიზიკურ პირებსა და ბიზნესებს, მიიღონ მაღალი ხარისხის მომსახურება ადგილმდებარეობის მიუხედავად.

2025 წელს ვიწყებთ პროექტს, რომელიც შეეხება ბიზნესების სამართლებრივ მხარდაჭერას გარემოსდაცვით საკითხებში. ვაპირებთ, დავეხმაროთ კომპანიებს, სამართლებრივად  გამართულად მიიღონ გარემოსდაცვითი ნებართვა, დაიცვან გარემოსდაცვითი რეგულაციები და მინიმუმამდე დაიყვანონ გარემოს დაცვასთან  დაკავშირებული სამართლებრივი რისკები. ამგვარად, ჩვენს  წვლილს შევიტანთ საქართველოში გამჭვირვალე და პასუხისმგებლიანი ბიზნესგარემოს შექმნაში.

ჩვენ კომპანიებს ვუქმნით პირობებს, იმუშაონ სამართლებრივი სტანდარტების დაცვის შესაბამისად. ჩვენი მომსახურება ეხმარება მეწარმეებს თავიანთი კომპანიების სტრუქტურირებაში. ასევე, აძლევს მათ შესაძლებლობას, შეამცირონ რისკები, მოახერხონ საგადასახადო სისტემის ოპტიმიზირება და თავიანთი ინტერესების სასამართლოში დაცვა. ჩვენ ვმუშაობთ დიდ საინვესტიციო პროექტებზე და სამართლებრივად მხარს ვუჭერთ, როგორც საერთაშორისო, ასევე ქართულ ბიზნესებს საქართველოში.

ამაყად გვეთქმის, რომ დიდ ყურადღებას ვაქცევთ ჩვენი თანამშრომლების განვითარებას. ყველა ჩვენი ბუღალტერი სერტიფიცირებულია, ხოლო ჩვენს იურისტებს აქვთ ადვოკატის სტატუსი, რაც ადასტურებს მათ მაღალ პროფესიონალიზმს. ჩვენ მუდმივად გვაყვს ჩართული გუნდის თანამშრომლები სხვადასხვა ტრენინგებში, ორიენტირებულნი  ვართ მათ პროფესიულ განვითარებაზე და მუდმივად ვცდილობთ დავეწიოთ მსოფლიოში არსებულ სამართლებრივ ტრენდებს. გარდა ამისა, ჩვენი მომსახურება ყოველთვის არის მოწოდების სიმაღლეზე და ვუზრუნველყოფთ უმაღლეს ხარისხს.  ბუნებრივია, რომ ეს წარმოადგენს სერიოზულ გამოწვევას, თუმცა დარწმუნებულნი ვართ, რომ „უნაკლო’’ მომსახურება ჩვენი კომპანიის წარმატების მნიშვნელოვანი ნაწილია.

ჩვენი პრაქტიკიდან გამომდინარე, ჩანს, რომ მნიშვნელოვნადაა გაზრდილი მოთხოვნა საოჯახო და საკორპორაციო სამართლის სფეროებში. უფრო და უფრო მეტი კლიენტი მოგვმართავს განქორწინების პროცესთან დაკავშირებით, ბავშვის საცხოვრებელი ადგილის განსასაზღვრავად, ქონების განაწილებისთვისა და სამართლებრივი გზით საქართველოს მოქალაქეობის მიღებისთვის. ჩვენი სპეციალისტები წარმატებით უმკლავდებიან ამ საქმეებს, კლიენტებს კი სამართლებრივი საკითხის მინიმალური რისკებითა და მაქსიმალური ეფექტურობით გადაჭრას სთავაზობენ.

კლიენტებს ჩვენ მიმართ აქვთ ნდობა, რადგან ჩვენ ვთავაზობთ საქმის პროფესიონალურად გადაწყვეტას, უმალვე ვპასუხობთ მათ შეკითხვებს და ჩვენთვის პრიორიტეტი მათი ინტერესებია, შესაბამისად, ვმოქმედებთ ისე, როგორც მათთვისაა მაქსიმალურად კომფორტული. ჩვენ არ ვთავაზობთ მხოლოდ სამართლებრივ მომსახურებას – ჩვენი მხარდაჭერა გამოიხატება მათი ცხოვრების/ბიზნესის განვითარების ყოველ ეტაპზე და ვეხმარებით  კომპანიებსა  თუ ფიზიკურ პირებს საქართველოში მიზნების მიღწევაში.