საქართველოში დაწესებულია სავალდებულო სანოტარო ფორმა უცხოური მინდობილობის საფუძველზე გარიგებებისთვის, რომლებიც რეგისტრირდება რეესტრში.

კანონმდებლობაში შეტანილი ცვლილებების გათვალისწინებით, უცხოური მინდობილობის საფუძველზე მოქმედი პირის წარმომადგენელს აღარ შეუძლია ხელი მოაწეროს ხელშეკრულებას საჯარო რეესტრის სპეციალისტების თანდასწრებით. რეგისტრაციისთვის მიიღება მხოლოდ და მხოლოდ ნოტარიული გარიგებები, ესე იგი ნოტარიუსის მიერ შედგენილი ხელშეკრულებები (არ აგერიოთ ნოტარიუსის მიერ დამოწმებულ გარიგებაზე ხელმოწერაში).

აღვწეროთ რა მოეთხოვება პირს, რომელიც გეგმავს გარიგების დადებას საქართველოში უცხოური მინდობილობის საფუძველზე:

ცვლილებები ეხება:

• ნებისმიერ უძრავ ქონებას: ბინები, აპარტამენტები, მიწის ნაკვეთები.
• უძრავ ქონებაზე უფლებებს: მომავალი საკუთრების უფლება, იჯარის უფლება, გირავნობის უფლება.
• წილები შპს-ს კაპიტალში.

შესაბამისად, იცვლება გაფორმების წესი:

• უძრავ ქონების ნებისმიერი გარიგებების და მათზე უფლების: ყიდვა, გაყიდვა, გირავნობა, იპოთეკა, იჯარა, დათმობა, ჩუქება.
• შპს-ის კაპიტალში არსებულ წილებზე ნებისმიერ გარიგებებისა და მასზე უფლებების: ყიდვა, გაყიდვა, გირავნობა, ჩუქება, შენატანი კაპიტალში.

ჩვენს ტელეგრამის არხზე უკვე დავწერეთ უძრავი ქონების და ბიზნეს ბაზრისთვის შესაძლო შედეგების შესახებ. ცალკე გამოვყოთ ორი აშკარა ეფექტი: გარიგებათა გაფორმება უფრო ძვირი და გახანგრძლივებული გახდება.

ნოტარიული გარიგება ტარიფდება ნოტარიუსების მიერ, გარიგების ღირებულების მიხედვით. დაამატეთ ამას თარჯიმანის მომსახურება. ამ ყველაფერს ემატება მომსახურების საფასური, რომელიც ისედაც გადასახდელია გარიგების რეგისტრაციისთვის. 265 ათასი ლარის  (ან 100 ასასი აშშ დოლარის) ღირებულების ბინის ყიდვისას საშუალოდ მოგიწევთ დაახლოებით 950 ლარის დახარჯვა, საიდანაც:

• 692,5 ლარი - სანოტარო ტარიფი (362,5 + (265 000 − 100 000) × 0,2% ოპერაციის შედეგი). თანხას ასევე ემატება დღგ, თუ ნოტარიუსი არის დღგ-ს გადამხდელი.
• 100 ლარი - თარჯიმანის მომსახურება (თუ გარიგება სამგვერდიანია და გადაიხდევინება თარგმნა რუსულ და ინგლისურ ენებზე).
• 157 ლარი - მომსახურების საფასური (გარიგების 4 დღეში რეგისტრაციისას)

საჯარო რეესტრში გარიგების რეგისტრაციის ვადა არ შეცვლილა - თქვენ კვლავ შეგიძლიათ აირჩიოთ სტანდარტული 4 დღე ან გააფორმოთ გარიგება შეტანის დღეს, გაზრდილი საფასურის გადახდის პირობით. თუმცა, ნოტარიული ხელშეკრულება გაფორმების პროცესი, მის თარგმნას სერტიფიცირებული თარჯიმნის მიერ (თუ უცხოური მინდობილობით წარმომადგენელი არ ფლობს ქართულ ენას) და ხელშეკრულების გაფორმებას დრო დასჭირდება. ასევე, გასათვალისწინებელია სანოტარო და მთარგმნელობითი რესურსების ნაკლებობა - ნოტარიუსები სერტიფიცირებული თარჯიმნებით ძირითადად თბილისში მუშაობენ, ბათუმში არც ისე ბევრია.

შეგახსენებთ, რომ ზემოთ ჩამოთვლილი ყველა მოთხოვნა მოქმედებს ორი პირობის ერთდროულად არსებობის შემთხვევაში: გარიგება მოითხოვს სახელმწიფო რეგისტრაციას და გარიგების ერთ-ერთი მხარის ინტერესებს წარმოადგენს პირი, რომელიც მოქმედებს უცხო ქვეყანაში გაცემული მინდობილობის საფუძველზე. შესაძლოა სანოტარო ფორმის ეს მოთხოვნები შემდგომში გავრცელდება კორპორატიულ გადაწყვეტილებებზე, რომლებიც საჭიროებენ რეგისტრაციას საჯარო რეესტრში - კომპანიის რეგისტრაცია, დირექტორის დანიშვნა, წესდების ცვლილება. ველოდებით კანონმდებლს განმარტებებს.