ვის შეუძლია მიიღოს ლტოლვილის სტატუსი და ჰუმანიტარული დაცვა საქართველოში

სასურველი სტატუსის მისაღებად, გარკვეული პროცედურა უნდა იქნას დაცული. პირველ რიგში, დაწერეთ განცხადება საერთაშორისო დაცვის შესახებ უშუალოდ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში ან საქართველოს შინაგან საქმეთა სამინისტროს მიგრაციის დეპარტამენტში, პროკურატურაში ან სხვა სამთავრობო ორგანოში, რომლის წარმომადგენლებსაც პირი ქვეყანაში ჩასვლისთანავე შეხვდა.

შემდეგ განმცხადებელს ჩაუტარდება გასაუბრება, რის შემდეგაც მას დასჭირდება იუსტიციის სახლში მისვლა და თავშესაფრის მაძიებლის დროებითი პლასტიკური ბარათის მიღება. მეორე სატელეფონო ინტერვიუს შემოგთავაზებენ დაახლოებით ერთი თვის შემდეგ. ამის შემდეგ სამინისტროს წარმომადგენლები შეატყობინებენ შედეგს და დადებითი გადაწყვეტილების შემთხვევაში გასცემენ საერთაშორისო დაცვის სტატუსის მინიჭების შესახებ დოკუმენტს. შემდეგ იუსტიციის სახლი გასცემს მუდმივ პლასტიკურ ბარათს, მიგრაციის დეპარტამენტი კი დაიწყებს კანონით გათვალისწინებული გადასახდელრბის გადმორიცხვას.

ზოგადად, სამინისტროს თანამშრომლები საერთაშორისო დაცვის მოთხოვნას 6 თვემდე ვადაში განიხილავენ, თუმცა უწყებას შეუძლია ამ ვადის გაგრძელება. კანონით ლოდინის მაქსიმალური დრო განაცხადის შეტანის დღიდან არ უნდა აღემატებოდეს 21 თვეს.

სტატუსზე უარის თქმის შემთხვევაში, გადაწყვეტილება შეიძლება გასაჩივრდეს სასამართლოში, მაგრამ ეს პროცესი, როგორც წესი, რამდენიმე წელი ჭიანურდება. ამ შემთხვევაში განმცხადებლის ყველა გარანტია და უფლება შენარჩუნებულია სასამართლო პროცესის დასრულებამდე.

ლტოლვილთა და ჰუმანიტარულ დაცვაზე განცხადების შეტანა განმცხადებლებს უხსნის სამართლებრივ შესაძლებლობებს ფართო სპექტრს (ისინი სრულად ჩამოთვლილია „საერთაშორისო დაცვის შესახებ“ კანონის VII თავის 56-ე მუხლში). მაშინაც კი, თუ თავად სტატუსი არ არის მინიჭებული, არც ადმინისტრაციულად და არც სასამართლოში განაცხადის განხილვის შედეგების საფუძველზე, განმცხადებელს შეუძლია ლეგალურად დარჩეს საქართველოში „ვიზარების“ და ჯარიმების გარეშე ყველა სასამართლო პროცესის დასრულებამდე (ანუ რამდენიმე წლის განმავლობაში, ვიდრე განიხილება უარის თქმის შესახებ გადაწყვეტიელბის საჩივარი).

მნიშვნელოვანი ნიუანსი: უცხოური პასპორტი, რომლითაც პირი შემოვიდა საქართველოში დაცვის მიზნით, გადაეცემა მიგრაციის დეპარტამენტს განაცხადის განხილვის პერიოდში (თუ პირი მიიღებს ჰუმანიტარულ სტატუსს, სტატუსის მოქმედების პერიოდში არ დაუბრუნდება). განმცხადებელს არ შეუძლია დატოვოს საქართველოს ტერიტორია თავდაპირველ განაცხადზე უარის თქმის გარეშე. საჭიროების შემთხვევაში, შეგიძლიათ სამინისტროდან უკან გამოიხმოთ საბუთები და დაიბრუნოთ თქვენი პასპორტი ერთი დღის ვადაში - მაშინ გამგზავრება კვლავ შესაძლებელი გახდება. მაგრამ შემდგომ, თქვენ  შეგეძლებათ ხელახლა მიმართოთ დაცვის განაცხადით მხოლოდ იმ შემთხვევაში, თუ წარმოიქმნება ახალი გარემოებები, რომელთა შესახებაც განმცხადებელმა შეიტყო განაცხადის გაუქმების შემდეგ.