You have found yourself in the JUST Advisors blog about the legal life of foreigners in Georgia. ✋ Articles are prepared by experts, but legal information is often relevant as of the publication date. Please pay attention to possible changes in legislation, changes in tariffs of the specified agencies, etc. ✈️ To stay updated and not miss anything: follow us on instagram, facebook, telegram

საგადასახადო რეჟიმები IT ბიზნესისთვის საქართველოში: როგორ ავირჩიოთ და მივიღოთ ოპტიმალური სტატუსი

გაეცანით რომელი საგადასახადო რეჟიმები უფრო გამოსადეგარია IT ბიზნესისთვის საქართველოში
April 10, 2024
ანნა დავიდსონ, დამფუძნებელი და მმართველი პარტნიორი
გიორგი ჟუჟუნაშვილი, პარტნიორი, ადვოკატი
ალისა არუთინიანი, ბუღალტერი
საქართველოში გადასახადები IT ბიზნესისთვის შეიძლება იყოს რეკორდულად დაბალი. იმისთვის, რომ ქვეყანაში მოიზიდონ მეტი IT სპეციალისტი, კანონმდებლობით გათვალისწინებულია სპეციალური საგადასახადო რეჟიმები: Small Business status, Virtual Zone, International Company.

Small Business Status  IT ბიზნესისთვის

საგადასახადო სტატუსის უპირატესობები

საშემოსავლო გადასახადი 1%-იანი განაკვეთით.

სტატუსის იურიდიული რეგულაცია

საგადასახადო კოდექსი (მუხლი 88-95) საქართველოს ხელისუფლების 29.01.20 წლის დადგენილება №415.

სტატუსის მიღებისა და მოქმედების პირობები

  • შესაფერისია იმ პირებისთვის, რომლებიც უზრუნველყოფენ IT მომსახურებას უცხოელი მომხმარებლებისთვის, ასევე ადგილობრივ ბაზარზე
  • IT სერვისების სახეები, საიდანაც შემოსავალი ექვემდებარება სტატუსს:
    • კოდი 62010: კომპიუტერული პროგრამირების სფეროში საქმიანობა.
    • კოდი 62030: კომპიუტერული ტექნიკის მართვის სფეროში საქმიანობა.
    • კოდი 62090: სხვა საქმიანობა საინფორმაციო ტექნოლოგიებისა და კომპიუტერული სერვისების სფეროში.
  • ამ ტიპის საქმიანობიდან მიღებული მთლიანი შემოსავალი კალენდარული წლის განმავლობაში არ უნდა აღემატებოდეს 500 000 ლარს.
IT სფეროში საკონსულტაციო მომსახურების გაწევისთვის მიღებული შემოსავალი არ ექვემდებარება მცირე ბიზნესის სტატუსს და ექვემდებარება საშემოსავლო გადასახადს 20%-იანი განაკვეთით (საქართველოს მთავრობის 29/12/2010 წლის დადგენილება №415)
არ აქვს მნიშვნელობა:
  • მოქალაქეობას, ბინადრობის უფლებას, ფიზიკური პირის საგადასახადო რეზიდენტურას.
  • ინდივიდუალური მეწარმის მოქმედების ვადას.
  • მომსახურების გაწევის ადგილს.
  • არ არის სავალდებულო კომპანიის საქმიანობის სფეროში, თანამშრომლების სამუშაო გამოცდილების დადასტურება.

როგორ ხდება სტატუსის მიღება?

  • 1
    საქართველოში ინდივიდუალური მეწარმის დარეგისტრირება
  • 2
    შემოსავლების სამსახურის ელექტრონული სერვისების გვერდზე მომხმარებლის აქტივაცია
  • 3
    მცირე ბიზნესის სტატუსის მოთხოვნა ელექტრონულად, შემოსავლების სამსახურის ელეტრონული სერვისების გვერდიდან
  • 4
    მცირე ბიზნესის სტატუსი ძალაში შედის მინიჭების თვის მომდევნო თვის პირველი რიცხვიდან

მნიშვნელოვანი ნიუანსები

  • მომსახურების გაწევა
    • თუ IT სპეციალისტსა და მომხმარებელს აკავშირებთ ფაქტობრივი შრომითი ურთიერთობა, საგადასახადო ორგანომ, რომელმაც დაადგინა ეს ფაქტი, შეიძლება დაავალდებულოს დამკვეთი (დამსაქმებელი) გამოთვალოს თანამშრომლის საშემოსავლო გადასახადი 20%-ით და გადაიხადოს დავალიანება ბიუჯეტში. თქვენ შეგიძლიათ შეამოწმოთ ვინ ხართ საგადასახადო ორგანოს მიხედვით — თანამშრომელი ან კონტრაქტორი — ვებ-გვერდზე rs.ge, თქვენს საგადასახადო კაბინეტში ფორმის შევსებით. განაცხადის ფორმის ნიმუში შეგიძლიათ იხილოთ ამ ბმულზე თქვენს სატესტო საგადასახადო კაბინეტში
    • მცირე ბიზნესის სტატუსის მქონე IT სპეციალისტს შეუძლია მიიღოს შემოსავალი ისეთი მომსახურების გაწევიდან, რომელიც არ არის დაკავშირებული მცირე ბიზნესის სტატუსთან (გარდა აკრძალული სერვისებისა).
  • საგადასახადო დეკლარაციის წარდგენა
    • მცირე ბიზნესის სტატუსის მქონე, ინდივიდუალური მეწარმე IT სპეციალისტი ვალდებულია, ყოველთვიურად, საანგარიშო თვის მომდევნო 15 რიცხვამდე წარადგინოს საშემოსავლო გადასახადის საგადასახადო დეკლარაცია ელექტრონულად საგადასახადო ანგარიშის მეშვეობით და გადაიხადოს გადასახადი.
    • თუ ინდივიდუალური მეწარმე IT სპეციალისტი  არ არის საქართველოს საგადასახადო რეზიდენტი, მას შეიძლება ჰქონდეს საშემოსავლო გადასახადის გადახდის ვალდებულება საგადასახადო რეზიდენციის ქვეყანაში. შეისწავლეთ ორმაგი დაბეგვრის შეთანხმება საქართველოსა და საგადასახადო რეზიდენციის ქვეყანას შორის, თუ ასეთი ხელშეკრულება გაფორმებულია.
  • 500 000 ლარის ლიმიტის გადაჭარბება
    • კალენდარული წლის განმავლობაში 500 000 ლარის ლიმიტის გადაჭარბება, ზრდის საშემოსავლო გადასახადის განაკვეთს ექსტრა შემოსავლიდან 3%-მდე.
    • დადგენილი ლიმიტის ზედიზედ ორჯერ გადაჭარბება იწვევს მცირე ბიზნესის სტატუსის ჩამორთმევას მომდევნო კალენდარული წლიდან.
  • დღგ
    • IT სპეციალისტის მიერ ქართველი მომხმარებლისთვის გაწეული მომსახურება ქმნის დღგ-ს ბრუნვას.თუ ასეთი შემოსავალი აღემატება 100 000 ლარის ლიმიტს, მცირე ბიზნესის სტატუსის მქონე ინდივიდუალურ მეწარმეებს მოეთხოვებათ, გადაიხადონ დღგ ლიმიტზე მეტი ოდენობით, გარდა საშემოსავლო გადასახადის მიერ დადგენილი განაკვეთით გადახდისა.
  • ბინადრობის უფლება
    • მცირე ბიზნესის სტატუსის მქონე ინდივიდულ მეწარმე  IT სპეციალისტს, რომლის ბრუნვა 12 კალენდარული თვის განმავლობაში 50 000 ლარს აჭარბებს, უფლება აქვს მოითხოვოს საქართველოს ბინადრობის ნებართვას

Virtual Zone

საგადასახადო სტატუსის უპირატესობები

კორპორატიული გადასახადი (შემოსავალი მოგებიდან) ― 0%.

სტატუსის იურიდიული რეგულაცია

საქართველოს საგადასახადო კოდექსი (მუხლი 99 ქვეპუნქტი 1).

სტატუსის მიღებისა და მოქმედების პირობები

  • შესაფერისია კომპანიებისთვის, რომლებიც უზრუნველყოფენ IT მომსახურებას უცხოელ მომხმარებლებისთვის
  • IT მომსახურების სახეები, რომელთა განხორციელებაც შეიძლება სტატუსის ფარგლებში:

    საინფორმაციო ტექნოლოგიები, რომლშიც იგულისხმება კომპიუტერული საინფორმაციო სისტემების , კერძოდ , პროგრამული უზრუნველყოფის პროდუქტებისა და კომპიუტერული მოწყობილობების შესწავლა , პროექტირება , შემუშავება , დანერგვა , მხარდაჭერა და მენეჯმენტი.

  • კომპანიის მომსახურების გაწევის ადგილი– საქართველო.
  • აუცილებელია სტატუსის მომთხოვნი კომპანიის თანამშრომლების გამოცდილების დადასტურება, ასევე აუცილებელია მომხმარებელთან მოქმედი ხელშეკრულების გაფორმება.
არ აქვს მნიშვნელობა:
— ამ ტიპის საქმიანობიდან მიღებულ მთლიან შემოსავალს კალენდარული წლის განმავლობაში.
— მოქალაქეობა, ბინადრობის ნებართვა, დამფუძნებლის, დირექტორისა და თანამშრომლების საგადასახადო რეზიდენცია
—სტატუსის მომთხოვნიკომპანიის ან სათავო კომპანიის გამოცდილებას კომპანიის საქმიანობაში.

როგორ ხდება სტატუსის მიღება?

  • 1
    დავარეგისტრიროთ კომპანია საქართველოში.
  • 2
    ვირტუალური ზონის სტატუსის მისაღებად განცხადებით მიმართეთ საქართველოს ფინანსთა სამინისტროს, ფინანსურ და ანალიტიკურ სამსახურს.

მნიშვნელოვანი ნიუანსები

  • მომსახურების გაწევა
    • მომსახურება (ან პროგრამული პროდუქტი) ფაქტიბრივად უნდა იყოს მიწოდებული (პროგრამული პროდუქტი ― შექმნილია) საქართველოში და ექსპორტირებული საზღვარგარეთ ― თანამშრომლების დისტანციური მუშაობა საქართველოს ფარგლებს გარეთ, ქმნის სტატუსის ჩამორთმევისა და საგადასახადო შეღავათების ჩამორთმევის საფრთხეს.
    • თუ კომპანიას არ ჰყავს თანამშრომლები და მომსახურებას ახორციელებს დირექტორი, მას, როგორც კომპანიის პარტნიორს, შეუძლია კომპანიის შემოსავალი დივიდენდების სახით გამოიტანოს და ამით გამოიყენოს საგადასახადო შეღავათი.
  • გადასახადები

    • არარეზიდენტი საწარმოს ან ფიზიკური პირის (კონტრაქტორის) მიერ საქართველოში არსებული წყაროდან (გაწეული მომსახურებისთვის) მიღებული შემოსავალი, რომელიც არ მიეკუთვნება საქართველოში საგადასახადო აღრიცხვაზე მყოფ არარეზიდენტის მუდმივ დაწესებულებას საქართველოში, იბეგრება გადახდის წყაროსთან როგორც წესი 10%-იანი გაკავეთით (თუ ორმაგი დაბეგვრის თავიდან აცილების შესახებ ხელშეკრულებით სხვა რამ არ არის გათვალისწინებული)
    • თანამშრომლებისთვის გადახდილი ხელფაი —20%.
    • ქონების გადასახდი — ქონების საბაზრო ღირებულების 1%.
  • დღგ
    • არარეზიდენტი მომხმარებლისგან მიღებული შემოსავალი არ იბეგრება დღგ-ს მიერ.
    • საქართველოს წყაროებიდან მიღებული შემოსავალი, დღგ-ს მიერ იბეგრება 18%-იანი განაკვეთით. (კომპანია ვალდებულია გახდეს დღგ-ს გადამხდელო, თუ დღგ-ს საქმიანობიდან მიღებული შემოასავალი 12 კალენდარული თვის განმავლობაში მიაღწევს 100 000 ლარს).
    • საქართველოში არარეზიდენტისგან მიღებული შემოსავალი (მათ შორის, უცხოური სააბონენტო სერვისები) რომელსაც არ აქვს მუდმივი დაწესებულება საქართველოში, ექვემდებარება დღგ-ს გადახდას 18%-იანი განაკვეთით. თუმცა, შესაძლებელია არ გადაიხადოთ დარიცხული დღგ, თუ ეს სერვისები გამოიყენება საზღვარგარეთ ძირითადი სერვისების უზრუნველსაყოფად.

International Company

საგადასახადო სტატუსის უპირატესობები

  • დივიდენდის გადასახადი გადახდის წყაროზე ― 0%.
  • ბიზნეს საქმიანობაში გამოყენებული ქონების გადასახადი (გარდა მიწის ნაკვეთებისა), ― 0%.
  • კორპორატიული გადასახადი (მოგებიდან მიღებული გადასახადი) ― 5%.
  • საშემოსავლო გადასახადი თანამშრომელთა ხელფასებზე ― 5%.
  • დასაბეგრი შემოსავლის ბაზა (საიდანაც გამოითვლება კორპორატიული გადასახადი) ექვემდებარება შემცირებას საქართველოს მოქალაქე თანამშრომლებისთვის გადახდილი სახელფასო ხარჯების ოდენობით, აგრეთვე კვლევის, საპროექტო და ექსპერიმენტული სამუშაოების ხარჯების ოდენობით. საერთაშორისო კომპანიის სტატუსის მქონე პირისთვის ნებადართული საქმიანობის სფერო.

სტატუსის იურიდიული რეგულაცია:

საქართველოს საგადასახადო კოდექსის 23-ე მუხლი, საქართველოს ხელისუფლების 08.10.2020 წლის დადგენილება N619.

სტატუსის მიღებისა და მოქმედების პირობები

  • შესაფერისია კომპანიებისთვის, რომლებიც უწევენ IT მომსახურებას უცხოელ მომხმარებლებს.
  • მომსახურების სახეები, საიდან მოღებული შემოსავალიც ექვემდებარება “საქართველოს ეკონომიკური საქმიანობის ეროვნული კლასიფიკატორი”-ს მიერ დადგენილ სტატუსს.
Open
58.2 კოდით გათვალისწინებული შემდეგი საქმიანობები:
ა.ა) 58.2 − პროგრამული უზრუნველყოფის გამოცემა;
ა.ბ) 58.21 − კომპიუტერული თამაშების გამოცემა;
ა.გ) 58.29 − სხვა პროგრამული უზრუნველყოფის გამოცემა;
ბ) „ეკონომიკური საქმიანობის სახეების საქართველოს ეროვნული კლასიფიკატორის“ 62 კოდით გათვალისწინებული შემდეგი საქმიანობები:
ბ.ა) 62.0 − კომპიუტერული დაპროგრამება, კონსულტირება და მათთან დაკავშირებული საქმიანობები;
ბ.ბ) 62.01 − კომპიუტერული დაპროგრამების საქმიანობები;
ბ.გ) 62.02 − საკონსულტაციო საქმიანობები კომპიუტერული ტექნოლოგიების დარგში;
ბ.დ) 62.03 − კომპიუტერული საშუალებების მართვის საქმიანობები;
ბ.ე) 62.09 − საინფორმაციო ტექნოლოგიებისა და კომპიუტერული მომსახურების სხვა საქმიანობები;
გ) ციფრული პროდუქტის დამზადება ან/და მიწოდება, პროგრამული უზრუნველყოფის მხარდაჭერისა და მისი განახლებული ვერსიის მიწოდების ჩათვლით;
დ) ვებგვერდის დამზადება ან/და მიწოდება;
ე) ვებჰოსთინგი, პროგრამული უზრუნველყოფისა და აპარატურის დისტანციური ტექნიკური მომსახურება;
ვ) პროგრამული უზრუნველყოფა და შესაბამისი განახლება;
ზ) გამოსახულებების, ტექსტებისა და ინფორმაციის მიწოდება, მონაცემთა ბაზის ხელმისაწვდომობის უზრუნველყოფის მიზნით;
თ) სისტემის დისტანციური ადმინისტრირება;
ი) მეხსიერების გამოყოფილი მოცულობის ონლაინმიწოდება;
კ) პროგრამულ უზრუნველყოფაზე წვდომა ან ჩამოტვირთვა (შესყიდვების/ბუღალტრული აღრიცხვის პროგრამების ან ანტივირუსული პროგრამების ჩათვლით) და მისი განახლებები;
ლ) ბანერული რეკლამების ბლოკირების პროგრამები;
მ) ჩამოსატვირთი დრაივერები, როგორიცაა პროგრამული უზრუნველყოფები, რომლებიც კომპიუტერებს უკავშირებს პერიფერიულ მოწყობილობებს (როგორიცაა, მაგ., პრინტერი);
ნ) ვებსაიტებზე ფილტრების ავტომატური ონლაინინსტალაცია;
ო) ბრენდმაუერების (ფაიერვოლების) ავტომატური ონლაინინსტალაცია;
  • კომპანიის ან სათავო კომპანიის გამოცდილება, სტატუსის მომთხოვნი კომპანიის საქმიანობაში — მინიმუმ 2 წელი. გამოცდილება უნდა დადასტურდეს.
  • კომპანიის მომსახურების გაწევის ადგილი — საქართველო.
აქ აქვს მნიშვნელობა:
  • ამ ტიპის საქმიანობიდან მიღებული მთლიანი შემოსავალი, კალენდარული წლის განმავლობაში.
  • მოქალაქეობა, ბინადრობის ნებართვა, დამფუძნებლების, დირექტორებისა და თანამშრომლების საგადასახადო რეზიდენცია.

როგორ ხდება სტატუსის მიღება?

  • 1
    დავარეგისტრიროთ კომპანია საქართველოში.
  • 2
    მიმართეთ შემოსავლების სამსახურს საერთაშორისო კომპანიის სტატუსის მისაღებად

მნიშვნელოვანი ნიუანსები

  • მომსახურების გაწევა
    • სხვა საქმიანობის განხორციელება დასაშვებია იმ პირობით, თუ ასეთი საქმიანობიდან მიღებული შემოსავალი არ აღემატება ნებადართული საქმიანობიდან მიღებული შემოსავლის 2%-ს.
  • დღგ
    • საქართველოში მუდმივი დაწესებულების გარეშე მყოფი უცხოელი კონტრაქტორებისგან (მათ შორის, უცხოური სააბონენტო სერვისებიდან) მიღებული შემოსავალი ექვემდებარება დღგ-ს დაბრუნებას 18%-იანი განაკვეთით. თუმცა, შესაძლებელია არ გადაიხადოთ დარიცხული დღგ, თუ ეს სერვისები გამოიყენება საზღვარგარეთ ძირითადი სერვისების უზრუნველსაყოფად.
    • არარეზიდენტი საწარმოს ან ფიზიკური პირის (კონტრაქტორის) მიერ საქართველოში არსებული წყაროდან (გაწეული მომსახურებისთვის) მიღებული შემოსავალი, რომელიც არ მიეკუთვნება საქართველოში საგადასახადო აღრიცხვაზე მყოფ არარეზიდენტის მუდმივ დაწესებულებას საქართველოში, იბეგრება გადახდის წყაროსთან როგორც წესი 10%-იანი გაკავეთით (თუ ორმაგი დაბეგვრის თავიდან აცილების შესახებ ხელშეკრულებით სხვა რამ არ არის გათვალისწინებული)
დაგვიკავშირდით — შეავსეთ ფორმა ვებ-გვერდზე ან მოგვწერეთ მესენჯერში — და ჩვენ დაგეხმარებით აირჩიოთ და მიიღოთ ოპტიმალური საგადასახადო რეჟიმი თქვენი ბიზნესისთვის, ასევე უზრუნველყოთ ყოვლისმომცველი მხარდაჭერა თქვენი ბიზნეს საქმიანობისთვის.

მოგეწონათ სტატია? გაგვიზიარე შენი აზრი

გაქვთ შეკითხვა?
მარია გუსეინოვა
კომერციული განყოფილების წამყვანი მენეჯერი
უბრალოდ შეავსეთ ფორმა ქვემოთ მოცემული ღილაკის დახმარებით ან მოგვწერეთ თქვენთვის მოსახერხებელ მესენჯერში: WhatsApp, Telegram