სამართლებრივი გზამკვლევი: დავები, ბაჟები და აღსრულება

ფიზიკურ/იურიდიულ პირს თანხა შეიძლება დაეკისროს, როგორც სხვადასხვა სახელშეკრულებო ურთიერთობიდან გამომდინარე( ხელშეკრულებით ნაკისრი ვალდებულების შეუსრულებლობა), ასევე დელიქტით გამოწვეული ზიანის ასანაზღაურებლად(ავტოსაგზაო შემთხვევა, მომსახურეობის გაწევის/გაუწევლობის შედეგად მიყენებული ზიანი და სხვა...).

სახელმწიფო ბაჟი ქონებრივ დავებზე,პირველი ინსტანციის სასამართლოში შეადგენს დავის საგნის 3% (ფიზიკური პირისთვის არაუმეტეს 3000 ლარისა/იურიდიული პირისთვის არაუმეტეს 5000 ლარისა).
მეორე ინსტანციაში დავის საგნის 4%( ფიზიკური პირისთვის არაუმეტეს 5000 ლარის/იურიდიული პირისთვის არაუმეტეს 7000 ლარის)
მესამე ინსტანციაში დავის საგნის 5%( ფიზიკური პირისთვის არაუმეტეს 6000 ლარის/იურიდიული პირისთვის არაუმეტეს 8000 ლარის)

სარჩელიზე უზრუნველყოფის გამოყენება შესაძლებელია, როგორც სარჩელის აღძვრამდე, ასევე სარჩელის აღძვრის შემდეგაც.

სარჩელის უზრუნველყოფა,განჩინების საფუძველზე შეიძლება მოხდეს,მოპასუხის როგორც მატერიალურ,ასევე,არამატერიალური სიკეთის დაყადაღება/აკრძალვით( უძრავი ქონება, მოთხოვნის უფლება, ავტომობილი, საბანკო ანგარიშები და ა.შ.).

უზრუნველყოფის ღონისძიების მოსათხოვად,სახელწიფო ბაჟის სახით ხდება 50 ლარის გადახდა(როგორც ფიზიკური,ასევე იურიდიული პირისთვის).

აღსრულების ეროვნული ბიუროსათვის მიმართვა/იძულებითი აღსრულების დაწყება ხდება მას შემდეგ რაც სასამართლოს მიერ მიღებული გადაწყვეტილება შევა კანონიერ ძალაში და გაიცემა სააღსრულებო ფურცელი.

იძულებითი აღსრულების დასაწყებად,სახელმწიფო ბაჟის სახით გადასახდელია აღსასრულებელი თანხის 2%,არანაკლებ 50 ლარის.