You have found yourself in the JUST Advisors blog about the legal life of foreigners in Georgia. ✋ Articles are prepared by experts, but legal information is often relevant as of the publication date. Please pay attention to possible changes in legislation, changes in tariffs of the specified agencies, etc. ✈️ To stay updated and not miss anything: follow us on instagram, facebook, telegram

მანქანის შემოწმება საქართველოში: რა შეიცვალა 2023 წელს?

ანა დევიდსონი, JUST Advisors-ის დამფუძნებელი და მმართველი პარტნიორი
 საქართველოში, 2023 წლის იანვრიდან, ავტომობილების ტექნიკური დათვალიერების წესები გარკვეულწილად შეიცვალა
2023 წლის 6 თებერვალი
საქართველოში, 2023 წლის იანვრიდან, ავტომობილების ტექნიკური ინსპექტირების წესები გარკვეულწილად შეიცვალა: გამკაცრდა მოთხოვნები გამონაბოლქვისა და ხმაურის დონესთან მიმართებაში. გარდა ამისა, განმეორებითი ტექნიკური ინსპექტირება (ნაკლოვანებების აღმოფხვრის შემდეგ) გახდა ფასიანი.

როგორ გავიაროთ ავტომობილის ტექინსპექტირება საქართველოში

2019 წლის იანვრიდან სავალდებულო გახდა საქართველოში რეგისტრირებული ნებისმიერი კატეგორიის სატრანსპორო საშუალების ტექნიკური ინსპექტირება (მანამდე 2004 წელს ის იყო გაუქმებული). ახალი მსუბუქი ავტომანქანები (კატეგორიის M1) ტექნიკური ინსპექტირებისათვის წარდგენილ უნდა იქნას ინსპექტირების ცენტრში, მათი გამოშვებიდან მეოთხე წელს. 4-დან 8 წლამდე ავტომანქანები შემოწმებას გადიან ყოველ ორ წელიწადში ერთხელ, 8 წელზე მეტი ასაკის ავტომანქანები კი - წელიწადში ერთხელ.

ინსპექტირების ცენტრის სპეციალისტები ამოწმებენ:
• მანქანის ტიპის, მარკის, მოდელის და ფერის დოკუმენტაციასთან შესაბამისობას და იყო თუ არა განხორციელებული კონსტრუქციული ცვლილებები;
• ფარების და რეფლექტორების სამუშაო მდგომარეობას;
• სამუხრუჭე სისტემის ტექნიკური მდგომარეობას;
• უკანა ხედვის სარკეებს, საწმენდებს და წყლის მოსაცილებლებს;
• ღერძს, დისკებს, საბურავებს, საკიდარს;
• საჭის მოძრაობას, საჭის სვეტის საკეტს;
• შასის და მისი კომპონენტებს;
• ხმაურის და გამონაბოლქვის დონეს.

ტექნიკური დათვალიერება ტარდება ტექნიკური დიაგნოსტიკური საშუალებების, აგრეთვე ვიზუალური და ორგანოლეპტიკური კონტროლის მეთოდების გამოყენებით. განმეორებითი ტექინსპეტირების დროს ტარდება მხოლოდ მანქანის ვიზუალური დათვალიერება და იმ პოზიციების შემოწმება, რომლებტან დაკავშირებიტაც იყო პრეტენზიები. 

ტექინსპექტირების პროცედურა საკმაოდ მარტივია: თქვენ გჭირდებათ ავტომანქანის პასპორტი, პირადობის მოწმობა და მომსახურების გადახდის ქვითარი. უნდა მიხვიდეთ PTI-ის ერთ-ერთ სადგურზე (სრული სია მოცემულია ვებგვერდზე PTI-ს |ტექდათვალიერება), გადაიხადოთ საფასური (ტარიფი დამოკიდებულია ასატრანსპორტო საშუალების კატეგორიაზე, მსუბუქი ავტომობილებისთვის - 60 ლარი) და გადასცეთ მანქანა შემმოწმებელს. სპეციალისტი თავად გაატარებს ავტომანქანას დაბრკოლებების ზოლზე. მითითებულ საიტზე ასევე შეგიძლიათ გაიგოთ სავალდებულო ტექნიკური ინსპექტირების თარიღი, იხილოთ FAQ და დარეგისტრირდეთ ონლაინ ან ტელეფონის საშუალებით და აირჩიოთ უახლოესი ტექისნპექტირების ცენტრი.
აღსანიშნავია, რომ თუ საქართველოში ჩამოხვედით საკუთარი მანქანით, მიიღეთ დროებითი ქართული ნომრები და გაატარეტ ავტომანქანამ დროებით რეგისტრაციაში,  მაშინ ტექნიკური ინსპექტირების გავლა მოგიწევთ 30 დღის ვადაში. ამ სტატიაში ავღნიშნეთ, რომ საქართველოში ავტომანქანა შეგიძლიათ მართოთ უცხოური ნომრით 90 დღის განმავლობაში  (ამ პერიოდში მასზე არ ვრცელდება ტექინსპექტირების გავლის წესები და წესების დარღვევისთვის პასუხისმგებლობა), რის შემდეგაც იგი ან უნდა მიექცეს თავისუფალ მიმოქცევაში, ან განთავსდეს დროებითი იმპორტის რეჟიმში. აქ შეგიძლიათ წაიკითხოთ საქართველოში საგზაო მოძრაობის წესების გავრცელებული დარღვევებისა და ჯარიმების შესახებ.

2023 წელს ავტომობილების ინსპექტირების ახალი წესები საქართველოში

2023 წლის 1 იანვრიდან საქართველოში გეგმიური ტექნიკური ინსპექტირების ტექნიკურ რეგლამენტში  ძალაში შევიდა ცვლილებები. დაწესებულია გამონაბოლქვის   უფრო მკაცრი სტანდარტები: ბენზინის ძრავით მანქანების გამონაბოლქვის კოეფიციენტი ამჟამად შეადგენს 0,55% CO (ნაცვლად 0,6%). ასევე, ცენტრის თანამშრომელი უფრო ყურადღებით შეაფასებს ხმაურის დონეს. ხარვეზების აღმოფხვრის შემდეგ განმეორებითი ტექნიკური ინსპექტირება (ამისთვის გეძლევატ ერთი თვე) თებერვლიდან გახდა  ფასიანი და მსუბუქი ავტომანქანებისათვის შეადგენს 20 ლარს.

რას მიაქცევა ყურადღება ავტომანქანის ტექნიკური ინსპექტირების დროს  გამონაბოლქვის დონის შემოწმებისას:
  • ვიზუალური დათვალიერებისას შესამჩნევია გამონაბოლქვი აირების ჭარბი რაოდენობა (კვამლის ფერი შავი ან ნაცრისფერია).
  • მწარმოებლის გამონაბოლქვის კონტროლის მოწყობილობა არ არსბეობს ან აშკარად ხარვეზინია.
  • არსებობს გაჟონვები, რომლებმაც შეიძლება მნიშვნელოვანი გავლენა მოახდინოს გამონაბოლქვის დონის გამოთვლაზე.

შემოწმების დროს ასევე იზომება ხმაურის მაქსიმალური დონე და ხმაურის შემცირების სისტემის გამართულობა. ეს პარამეტრი არ უნდა იყოს გადაცდენილი მწარმოებლის სპეციფიკაციასტან შედარებით 10 დეციბელზე მეტით ოდენობით. თუ არ არის კონკრეტული მანქანის მოდელისთვის ხმაურის მაქსიმალური დონის შესახებ ინფორმაცია, ჩვეულებრივ მიიღება მხედველობაში
შემდეგი მაჩვენებლები:

1. დიზელის ძრავის მქონე მანქანებისთვის:
  • M1 და N1 კატეგორია (4-დან 8 ადგილიანი ტევადობის მანქანები, პიკაპები და სატვირთო მანქანები 3,5 ტონამდე საერთო მასით) - 100–110 დბ;
  • M2, N2 კატეგორია (8 ადგილზე მეტი ტევადობის, მაგრამ 5 ტონამდე ტევადობის მქონე მგზავრთა გადასაყვანი მანქანები, 3,5 ტონაზე მეტი საერთო მასის სატვირთო მანქანები) - 105–115 დბ;
  • M3, N3 კატეგორია (სამგზავრო გადაზიდვის მანქანები 8 ადგილზე მეტი და 5 ტონაზე მეტი ტევადობით, 12 ტონაზე მეტი სატვირთო მანქანები) - 110–120 დბ.
2. ბენზინის ძრავიანი მანქანებისთვის:
  • M1 და N კატეგორია 1 - 95-105 დბ;
  • M2, N2 კატეგორია - 100-110 დბ;
  • M3, N3 კატეგორია - 105-115 დბ.

სატრანსპორტო საშაულების კატეგორიის მიხედვით როდის უნდა იქნას გავლილი ტექნიკური ინსპეტირება  და მისი ფასი ცხირილის მიხედვით

ჯარიმები ტექინსპექტირების გავლის გარეშე მართვისთვის

იმ ავტოსატრანსპორტო საშუალების მართვა, რომელმაც დადგენილი წესით არ გაიარა პერიოდული ტექნიკური ინსპექტირება, გამოიწვევს ჯარიმას (ადმინისტრაციულ სამართალდარღვევათა კოდექსი) 50 ლარის ოდენობით.

სატრანსპორტო საშუალების გადაცემა იმ პირისათვის, რომელმაც არ გაიარა ტექნიკური ინსპექტირება დადგენილი წესით, გამოიწვევს ფიზიკური პირის დაჯარიმებას 50 ლარის ოდენობით, ხოლო იურიდიული პირის დაჯარიმებას – 200 ლარის ოდენობით.

ჯარიმა უნდა იქნას გადახდილი  30 დღის ვადაში. შეუსრულებლობა გამოიწვევს დაჯარიმებას ორმაგი ოდენობით.  შემდგომი 30 დღის შემდეგ ვადაგადაცილების შემთხვევაში, შესაძლებელია ექვსი თვი ვადით დაკარგოთ მართვის მოწმობა. თუ დარღვევა დაფიქსირდა ვიდეოკამერებით, შეგიძლიათ დაზოგოთ ფული. თუ გადაიხდით ჯარიმას 10 დღის განმავლობაში, შეგიძლიათ იქონიოთ 20%-იანი ფასდაკლების იმედი.

საგულისხმოა, რომ სამართალდარღვევის ჩადენის მომენტიდან 60 დღის შემდეგ და საჯარიმო ქვითრის ფოსტის საშუალებით განმეორებით ჩაბარების შემთხვევაში, საქართველოს შინაგან საქმეთა სამინისტრო უზრუნველყოფს საჯარიმო ქვითრის საჯარო გამოქვეყნებას შსს-ს ოფიციალურ ვებგვერდზე.

ტექდათვალიერების ვადის გასვლის თარიღი და მორიგი სავალდებულო ტექნიკური ინსპექტირების თარიღი სატრანსპორტო საშუალების კატეგორიისა და სანომრე ნიშნის მიხედვით შეგიძლიათ შეამოწმოთ ვებგვერდზე.

მნიშვნელოვანია გვესმოდეს, რომ ტექნიკური ინსპექტირების წესები ვრცელდება საქართველოში რეგისტრირებულ ყველა ავტომობილზე, მათ შორის დროებითი ქართული ნომრის მქონე სატრანსპორტო საშუალებებზე, იმ შეთხვევაშიც კი თუ თქვენ გაიარეთ ტექნიკური ინპექტირება იმ ქვეყანაში, სადაც სატრანსპორტო საშუალებას მიღებული ჰქონდა «ისტორიული» ნომრები. თავად მფლობელის ეროვნებას არ გააჩნია არანაირი მნიშვნელობა.

მოგეწონათ სტატია? გაგვიზიარე შენი აზრი

გაქვთ შეკითხვა?
მარია გუსეინოვა
კომერციული განყოფილების წამყვანი მენეჯერი
უბრალოდ შეავსეთ ფორმა ქვემოთ მოცემული ღილაკის დახმარებით ან მოგვწერეთ თქვენთვის მოსახერხებელ მესენჯერში: WhatsApp, Telegram